Årdal husflidslag tel i dag 18 medlemmar. Me held til i "gamle sjukestova" i Røtisvegen 29 i Øvre Årdal, der me leiger to rom.
Etter kvart har me også fått tekjøkken og toalett i same høgda.

Laget har faste arbeidskveldar på onsdagar mellom 18.00 og 20.00. Det er som regel aktivitet både med sølvarbeid og i vevstolane, og oftast er det fleire spøt å sjå. Kaffi og noko å bite i er også fast desse kveldane.

Ta deg gjerne ein tur innom og sjå om dette kan vere noko for deg. Me ynskjer oss fleire medlemmar.

Me ser at me når fleire på Facebook enn her, så me har valt å legge ut all ny info på sida "Årdal husflidslag" der.


torsdag 31. mars 2011

Smøyg på museet

 

Det er så fin stemning desse handarbeidskafekveldane på museet.

Gjensynsgleda er stor – mange fjes går igjen frå gong til gong, og dei kjem frå heile indre Sogn.

Smøyg med Siri 1

Siri er eit grundig og engasjert tekstilmenneske, og ho er ein god formidlar. Me sat fengsla medan tida flaug.

Smøyg 2

Spennet i uttrykk frå silke på lin -

Smøyg 3

til ull på lin, er stort.

Smøyg 5    Smøyg 6

I andre deler av landet har også smøygbroderia vore meir fargeglade og leikne.

Me lærte at smøyg er ein eldgamal teknikk. Den er veldig økonomisk, for lite av den farga brodertråden ligg på baksida av arbeidet. Det meste ligg på framsida, og ein fester også trådendane der. Symbolbruken er viktig, i tilleg til det reint dekorative.

Me fekk også eit innblikk i Siri sitt arbeid med Huldreduken. Dette håpar me å få følgje etter som det skrid fram.

Tusen takk til Sogn bunadnettverk for nok ein triveleg og lærerik kveld på museet.

mandag 28. mars 2011

Smøyg

 

Onsdag 30 mars kl 1900 vert det ny handarbeidskafé på De Heibergske samlinger - Sogn Folkemuseum i samarbeid med Sogn Bunadnettverk. Temaet denne gongen er smøyg som er ein eldgamal saum- og dekorteknikk.

Smøyg, og kalla vevsaum eller glitt, er brukt på fleire tekstil ein kan finne i museet sine samlingar, til dømes på dåpstøy og bringeduk. Saumteknikken finn ein oftast på klede/tekstil med seremoniell funksjon. Middelaldertekstilet Huldreduken frå Årdal har smøygsaum. I nokre tekstil er smøyg kombinert med andre sting t.d holbeinsting. Det kan ein finne på dåpstøy frå Sogn.

Holbein detalj

På handarbeidskafeen vil Siri Benjaminsen frå Sogn Bunadnettverk gi ei innføring i smøygsaumen. Det vert teke fram tekstil med smøyg frå museet sine samlingar. Det er til møtet laga ei materialpakke i smøygteknikk som ein kan kjøpa for å øva seg på saumen.

I tillegg vert det utlodding, museumsbutikken er open og i kafeen vert det servert kaffe, te og kaker. Det er gratis inngang og alle er velkomne. Ta gjerne med handarbeid.

Håpar mange av dykk har høve til å møte !

Med venleg helsing
Sogn Bunadnettverk
v/Siri