Årdal husflidslag

Årdal husflidslag tel i dag 18 medlemmar. Me held til i "gamle sjukestova" i Røtisvegen 29 i Øvre Årdal, der me leiger to rom.
Etter kvart har me også fått tekjøkken og toalett i same høgda.

Laget har faste arbeidskveldar på onsdagar mellom 18.00 og 20.00. Det er som regel aktivitet både med sølvarbeid og i vevstolane, og oftast er det fleire spøt å sjå. Kaffi og noko å bite i er også fast desse kveldane.

Ta deg gjerne ein tur innom og sjå om dette kan vere noko for deg. Me ynskjer oss fleire medlemmar.

Me ser at me når fleire på Facebook enn her, så me har valt å legge ut all ny info på sida "Årdal husflidslag" der.

mandag 14. februar 2011

Sølv

Ei vitjing hjå Aurland husflidslag fekk følgjer:

kjekke følgjer, ikkje sant?

Bileta viser litt av det sølvdamene våre har laga.

Det har vore snakk om å vitje glasgjengen i Lærdal i vinter.

Skal tru kva som kjem utav det – .

torsdag 3. februar 2011

Årsmøte

Me held årsmøte i kveld, torsdag 3. februar kl 18.00.
Vel møtt!

mandag 22. november 2010

Julekuler

På Husfliden i Bergen er alt det lyse kardefloret utsolgt – iallefall var det tomt på laurdag.

Arne og Carlos har skapt ei dille, og me kastar oss på.

Ein av medlemmane våre har tjuvstarta, og melder at det går best med trepinnar nr 2,5.
Ho har også brukt over 30 gram ull i kvar kule for å få dei faste nok.

Julemøtet er onsdag 24. november. Ta med (finull)garn og pinnar.