Årdal husflidslag tel i dag 18 medlemmar. Me held til i "gamle sjukestova" i Røtisvegen 29 i Øvre Årdal, der me leiger to rom.
Etter kvart har me også fått tekjøkken og toalett i same høgda.

Laget har faste arbeidskveldar på onsdagar mellom 18.00 og 20.00. Det er som regel aktivitet både med sølvarbeid og i vevstolane, og oftast er det fleire spøt å sjå. Kaffi og noko å bite i er også fast desse kveldane.

Ta deg gjerne ein tur innom og sjå om dette kan vere noko for deg. Me ynskjer oss fleire medlemmar.

Me ser at me når fleire på Facebook enn her, så me har valt å legge ut all ny info på sida "Årdal husflidslag" der.


onsdag 20. juli 2011

Fornying

Me har vore heldige!

Feiosvev1

Gamle, skakke vevstolar har sin sjarm – heilt til ein skal veve noko i dei.
Over sommaren har me skifta ut ein av dei gamle vevstolane med ein nesten ny – ei gåve til laget.

Feiosvev3

For ein månads tid sidan var leiar og sekretær i fin driv med montering av det ny vidunderet. Den store vevboka låg oppe på rette sida, bitane smatt fint saman – men så mangla det litt.
Ein manglande bom og nokre kilar stoppa oss der og då. I dag sette me saman resten.

Feiosvev2

Me har planar om ringvend, og treng berre dei fire skafta som stod i no.

Feiosvev4

Men vidunderet har ti skaft og trøer, kontramarsj og det heile. Her kan me veve oss lekker dreiel seinare.
Om ein liten månad startar me opp att aktiviteten på tysdagane.

Ingen kommentarer:

Legg inn en kommentar